2014/04/11 - Garagardo azoka Zarautzen. Gaueko zerbitzu bereziak Azkoitiraino

Zarauzko XIV. Garagardo azoka dela eta gaueko zerbitzu bereziak egongo dira Zarautz eta Azkoitia bitartean.

Egunak: Apirilaren 17, 18 eta 19. 

Irteerak  Zarauztik00:00, 01:45 eta 03:45

Informazio gehiago La Guipuzcoana enpresako telefonoan edo web orrian.

2014/04/04 - Apirilaren 5ean, larunbata, “Berdel Jaia” ospatzen da Mutrikun.

Bihar, larunbata, Mutrikun Berdel eguna ospatzen dela eta, Mallabia-Ondarroa linean zerbitzu bereziak jarriko dira Mutrikura joateko Eibar, Elgoibar eta Ondarroatik.

 

Informazio gehiago: Eusko Tren enpresaren web orrian eta bezeroaren arreta telefonoan: 902 543210, eta baita Mallabia-Ondarroa lineako autobus geltokietan ere.

2014/03/24 - Tarifa igoera apirilaren 1ean.

Apirilaren 1ean  igoko dira MUGI sistema onartu duten zerbitzuetako prezioak. Foru Aldundiak, egun berean, txartel propioen prezioak ere igoko ditu.

 

Prezio berriak ikusteko sakatu hemen. 

2014/01/14 - Gaueko zerbitzuak San Sebastian bezperan

Datorren urtarrilaren 20an, San Sebastian eguna ospatzen dela eta, Donostian eta baita Azpeitian ere, Lurraldebuseko enpresek gaueko zerbitzua eskainiko dute igandetik astelehenera bitarteko gauean.

 

Informazio gehiago lortzeko, sakatu hemen edo erabili enpresen web orriak.

 

 

2013/12/13 - Ordutegi berezia Eguberrietan.

Abenduaren 24an eta 31n garraio zerbitzuak lehenago amaituko dira linea guztietan, ohi bezala.

Abenduaren  25ean eta  urtarrilaren 1ean ere zerbitzuak murriztu egingo dira. 

 

Ordutegiak ikusteko, deitu enpresen telefonoetara edo klikatu web orriak. Guztiak daude eragileen fitxan, eta hauxe da lotura: http://www.lurraldebus.net/Oper.aspx.

2013/11/08 - Igandean, hilak 10, Behobia-Donostia lasterketa ospatuko dela eta, aldaketak izango dira garraio publikoan.

Igandean, 09:30ean hasiko da lasterketa eta eragina izango du garraio publikoko zerbitzuetan, batez ere, Hondarribia eta Irunetik Donostiara doazen zerbitzuetan. Ordu horretatik aurrera, eta lasterketa bukatu arte, joan-etorri batzuk bertan behera geldituko dira eta beste batzuk aldatu egingo dira. Informazio zehatza lortzeko sartu www.ekialdebus.net web orrian.

 

Hernani-Astigarraga-Donostia lineetan (A1, A2), goizeko 09:00etatik arratsaldeko 15:00ak arte, Okendoko geralekua Renfeko geltokira aldatuko da, eta Urbieta kaleko geltokia ezabatu egingo da. www.autobusesareizaga.com

 

 

Hernani-Aiete-Donostia linea (G1) San Bartolome kaleraino iritsiko da, eta Andoain-Urnieta-Donostia lineak (G2) Orly hotelean izango du bukaera eta irteera, lasterketa bukatu arte. http://www.autobusesgarayar.es

 

2013/09/05 - "EUSKAL JAI EGUNA 2013" Zarautzen.

Datorren astelehenean, hilak 9, Zarautzen  "EUSKAL JAI EGUNA" ospatzen dela eta, urtero bezala, Euskotren enpresak gaueko autobus zerbitzu berezia eskainiko du Zarautz, Getaria, Zumaia, Zestoa, Azpeitia eta Azkoitia artean. Autobusa Zarautzen 00:00-02:00-04:00 eta 06:00etan aterako da Azkoitirantz, eta ohiko geltokietan geldituko da.

 

Era berean, Euskotrenek Zumaia eta Donostia artean tren bereziak jarriko ditu goizean, eta baita gauean ere.

 

Informazio gehiago Euskotrenen arreta telefonoan 902 543210 eta web gunean: www.euskotren.es.

 

 

2013/07/24 - Ibilbidea aldatuko dute Azpeitian Zumaia-Zumarraga eta Azkoitia-Zarautz eta Azkoitia-Donostia lineek.

 

Uztailaren 25etik aurrera jaiak direlako, eta abuztuan obrak egingo direlako, autobusak ez dira Foruen pasealekutik pasatuko eta Julian Elorza hiribideko eta Trenaren Museoko geltokiak bertan behera gelditzen dira, obrak bukatu arte. Ordezko geldialdia saihesbidean egingo da, Trenaren Museoko oinezkoen zubiaren aurrean.

 

 

2013/07/22 - Transportes Pesak egiten dituen zerbitzuetarako billeteak Internet bidez.

www.pesa.net bidez eros daitezke Pesak egiten dituen zerbitzu luzeen bidaia-txartelak. Lurraldebus eta Mugi txartelekin eta beren deskontuekin ere eros daitezke billeteak, ordaintzeko forma hori onartzen duten lineetan.

 

 

Informazio gehiago www.pesa.net web orrian.

2013/06/27 - Uztailaren 1ean, zerbitzu berrituak eta berriak.

 

Datorren astelehenean martxan jarriko diren zerbitzuak hauek dira:

 

1.- Aginaga- USURBIL-  ORIA-LASARTE-  Errekalde- OSPITALEAK.

 2.- USURBIL - ZUBIETA - LASARTE – (Urbil) – HERNANI.

 3.- ASTIGARRAGA –OSPITALEAK- EHU/UPV- Antigua auzoa.

 4.- TOLOSA -VILLABONA- OSPITALEAK- EHU/UPV- DONOSTIA.

 5.- OÑATI- San Prudentzio (Elorregi).

 6.- ANDOAIN –URNIETA –HERNANI -OSPITALEAK (maiztasuna gehitzen da).

 7.- ELGETA- BERGARA (Taxi-busa)

 

Ordutegi zehatza ikusteko sakatu hemen.

 

 

2013/06/17 - Udako ordutegia Urola-Kosta eta Debabarreneko lineetan.

Datorren astelehenean, hilak 24, Eusko Tren enpresak udako ordutegia jarriko du martxan Urola-Kostako eta Debabarreneko lineetan.

Urola Kostako lineetan udako ordutegia ekainaren 24etik irailaren 1era arte izango da.

Debabarreneko lineetan bi ordutegi desberdinak egingo dira, bata ekainaren 24etik uztailaren 21era, eta bestea, uztailaren 22tik irailaren 1era.

Kontuan izan udan tren zerbitzuak gehitzen direla.

Informazio gehiago hemen (UrolaKostaldeaDebabarrena) eta Eusko Trenen telefonoan (902 543210) eta web orrian: www.euskotren.es .

2013/06/17 - Udako ordutegiak

Uztailaren 1ean, Pesa enpresako lineetan eta La Guipuzcoana enpresako Azkoitia-Donostia linean, udako ordutegia jarriko da martxan.  La Guipuzcoanak ordutegi berdina egingo du uztailan eta abuztuan, Pesak, ordea, abuztuan beste ordutegi bat egingo du.

Ordutegiak ikusteko erabili enpresen telefonoak edo web orriak: www.pesa.net eta www.laguipuzcoana.net

2013/06/05 - Ekainaren 8an Zarauzko Triatloia egingo da, eta aldaketak izango dira garraio publikoan.

 

Datorren larunbatean, hilak 8, Zarauzko Triatloia egingo dela eta, N-634 errepidea, Zarautz eta Orio bitartean, eta GI-2631 eta GI- 3710 errepideak itxita egongo dira 14:00 eta 18:30 bitartean. Hori dela eta,  Eusko Tren eta La Guipuzcoana enpresek ibilbidea eta geltokiak aldatuko dituzte Zarautzen. Autobusak ez dira ibiliko Nafarroa kaletik, Bizkaia kaletik baizik, eta Aia-Orio-Zarautz lineako geltokietan geldituko dira: Bizkaia kalean, kiroldegian eta suhiltzaileen inguruan.  

 

Zumaia-Donostia lineako autobusek, Zumaiatik  14:30 - 15:30 - 16:30 - 17:30 eta 18:30ean irteten direnak eta Donostiatik 14:00, 15:00, 16:00 17:00 eta 18:00etan irteten direnak, autobidea erabiliko dute Zarautz eta Urbil artean. Urbilen, Orio-Usurbil-Urbil lotura egingo duen autobusarekin elkartuko dira, bidaiariak autobus batetik bestera igaroko eta ohiko ibilbidea jarraituko dute.

Zumaia-Donostia autobideko zerbitzuak, Zarautz barnean aldatuko dute ibilbidea.

 

Aia-Orio-Zarautz lineako 15:25eko espedizioa kendu egingo da.

 

Informazio gehiago enpresen telefonoetan eta web orrietan eskura dezakezue (www.euskotren.es eta www.laguipuzcoana.net).

 

Barkatu eragozpenak.

 

 

2013/05/29 - Maiatzaren 30ean greba orokorrerako deialdia.

 

Maiatzaren 30erako deitu duten greba orokorra dela eta, Eusko Jaurlaritzak esan du, garraio publikoan, gutxieneko zerbitzuak ohiko zerbitzuen  %30 izango direla. Horiek horrela, Lurraldebus irudiarekin zerbitzua ematen duten operadoreek gutxieneko hori beteko dute, greba eginez gero.

Ordutegiak jakiteko, deitu enpresen telefonoetara edo klikatu web orriak. Guztiak daude eragileen fitxan, eta hauxe da lotura: http://www.lurraldebus.net/Oper.aspx.

 

2013/05/27 - N-634 itxita Getaria eta Zumaia artean. Zumaia-Donostia zerbitzuko joan-etorrien ibilbidea aldatu egingo da.

Bide Azpiegituretako Departamentuko Bide Artapeneko eta Kudeaketako Zerbitzukoek jakinarazi digutenez, N-634 errepideko 26,800 kilometro puntuan azaldu den zuloa dela eta, errepidea itxi egingo da Getaria eta Zumaia artean. Ondorioz, garraio publikoak ibilbidea aldatu du eta autobusak Zarauztik Zumaiara Meagatik barrena ibiliko dira. Getaria eta Zarautz arteko joan-etorriak mikrobus batean egingo dira, eta Zarautzen beste autobus bat haurtuko dute, Zumaiarantz edo Donostiarantz.  

 

Adierazi digutenez, konponketa lanek hiru aste inguru iraun dezakete.

 

 

Barkatu eragozpenak.

2013/05/23 - OLATU-TALKA / ROMPEOLAS. Maiatzaren 26an, igandean, Ziklobia izango dela eta, garraio linea batzuen ibilbidea aldatu egingo da eta, ondorioz, geraleku batzuk kendu egingo dira.

 

Ziklobia dela eta, maiatzaren 26an, igandean, 8:30 – 16:00 bitartean, Donostiako Tolosa etorbideko irteera itxi egingo da Europa plazatik Errekalderaino. Horregatik, Donostiatik Tolosa etorbidea hartuz ateratzen diren autobusek ibilbideak aldatuko dituzte, eta geldialdi batzuk ez dira egingo. 

 

Aldaketak:

Autobuses Garayar, SA., línea G2: Donostia-Hernani-Andoain, eta  Cía. del Tranvía SS-Tolosa, SA. (TSST): San Sebastián- Lasarte-Tolosa: Donostiatik irteteko, autobusak Ibaetan saihesbidea hartuko dute eta Belartzako biribilgunean irtengo dira; handik ohiko ibilbidearekin jarraituko dute. Bitarteko geltokiak kentzen dira.

Eusko Tren:  Zumaia-Getaria-Zarutz-Orio-Usurbil-Donostia. Autobusak Amaratik sartuko dira Donostiara, zuzenean Pio XII. plazara; hau da, ez dute geldialdirik egingo Urbildik Pio XII.era birtarte. Irteera ere Amaratik izango da. Urbilgo geralekutik aurrera, ohiko ibilbidea egingo dute.

Autobuses La Guipuzcoana, S L.: Azkoitia-Donostia. Igande eta jai egunetako ohiko ibilbidea egingo du.

 

Barkatu eragozpenak.

 

 

2013/05/23 - Larunbatean ibilbide-aldaketak egingo dira Zumarraga-Zumaia linean, txirrilundari proba bat izatekoa delako, eta Aia-Orio-Zarautz linean, auto igoera izatekoa delako.

Datorren larunbatean, maiatzak 25, Urretxun txirrindulari proba bat dela eta, Zumaiatik  –Zumarragara ateratzen diren 14:35 eta 16:35tetako  zerbitzuek, URRETXU eta ZUMARRAGATIK  ibilbidea aldatu egingo dute, ondoren azaltzen den bezala:

Zumarragako ospitaleko noranzkoan Zumarragako saihesbidetik joango da, Okendoko bidegurutzean geldialdia egin eta saihesbidetik jarraituko du Ospitalerantz.

Zumaiako noranzkoan. Ohiko ibilbidea.

 

Datorren larunbatean, maiatzak 25, Aiako autoen VI igoera dela eta, Aia eta Orio arteko errepidea moztu egingo da 14:00 eta 18:00 bitartean. Hori dela eta, Aia-Orio arteko 15:25eko zerbitzuaren ibilbidea hau izango da:  AIA ->Pagoetatik ORIO  GAINA-> ORIO -> ZARAUTZ. (Andatza auzoko eta Santioko geralekuak kentzen dira). Etxetxoko geralekua biribilgune berrian Aize Berri ondora aldatzen da.

2013/05/20 - Eusko Tren eta La Guipuzcoana enpresek, Easo kaleko 7 zenbakian jarraituko dute gelditzen, Askatasunaren hiribidean gelditu ordez.

 

Eusko Tren eta La Guipuzcoana enpresak, Askatasunaren hiribidean gelditu ordez, Easo kaleko 7 zenbakian, Ziaboga tabernaren aurrean, gelditzen jarraituko dute. Donostiako Udalak baimena berriz eman arte aipatutako enpresen zerbitzuak ez dira Askatasunaren hiribidera iritsiko.

Barkatu eragozpenak.

 

2013/05/16 - Zumarragan, bi geltoki gehiago Legazpi- Zumarragako ospitalea linean.

 

Maiatzaren 20an hasita, Legazpi -Zumarragako ospitalea linean, Zumarragan bi geltoki gehiago egingo ditu autobusak:

 

Ospitalerako noranzkoan: San Gregorio kaleko 6an

Legazpirako noranzkoan: San Gregorio kaleko 11n

2013/05/10 - Donostiako Askatasunaren hiribideko La Guipuzcoana eta Eusko Tren enpresetako autobusen geltokiak ezabatuta, datorren astean.

 

Datorren astelehenetik igandera arte, hau da maiatzaren 13tik 19ra arte, biak barne,  obrak direla eta, Etxaide kaletik Askatasunaren hiribidera biratzeko zailtasuna izango dituzte La Guipuzcoana eta Eusko Tren enpresetako autobusek, eta, horregatik, erabiltzen dituzten geltokiak ezabatuta gelditzen dira. Askatasunaren hiribidean gelditu ordez, Easo kalean, 7an, Ziaboga tabernaren aurrean, geldituko dira.

 

Barkatu eragozpenak.

 

2013/04/30 - Astigarraga-Usurbil zerbitzuan, Antziolako geltokia ezabatuta.

 

Hernani eta Galarreta lotzen duen errepidean (Heriotzako aldapan) egin behar diren lanen ondorioz, Astigarraga-Hernani-Lasarte-Urbil-Usurbil zerbitzuaren ibilbidea aldatuko da, eta  obrek irauten duten bitartean, Zinkoeneako geltokia bere horretan geldituko da, baina Antziolakoan ez da geldituko. Barkatu eragozpenak.

 

2013/02/25 - Tarifa bateratuak garraio publikoan martxoaren 4tik aurrera

Martxoaren 4an jarriko da martxan MUGI sistema. Hori dela eta, prezio bera ordainduko da bidaia berdinagatik Lurraldebuseko autobusetan, Eusko Treneko tren lineetan, eta Donostia, Irun, Errenteria, Arrasate eta Hernaniko hiri-busetan. Ordainduko den prezioa jauzien eta bidaia kopuruaren arabera izango da.

 

 

Jauziak
Arrasate Donostia
 0
1 2 3 4 5 6
Irun Errenteria
Hernani
Aldi baterakoa (Paperezkoa) 1,60 2,30 4,40 6,50 8,50 11,50 12,50 1,30 1,10
1. bidaitik 20.era arte: %45eko deskontua 0,88 1,27 2,42 3,58 4,68 6,33 6,88 0,72 0,61
21.etik 50.era arte: %56ko deskontua 0,70 1,01 1,94 2,86 3,74 5,06 5,50 0,57 0,48
51.etik aurrera: %90eko deskontua 0,16 0,23 0,44 0,65 0,85 1,15 1,25 0,13 0,11
Gauekoak 2,00 2,95 5,00            

 

 

Hobariak, talde berezientzat (txartela kargatzean jasotzen dira):


FAMILIA UGARIAK

GAZTEAK

(G): %14

ADINEKOAK

(A): %108

EZINDUAK

(E): %108

SOZIALAK

(S): %108

Orokorra F20: %25

G20: %39

A20:%133

E20: %133

S20: %133

Berezia F50: %100

G50: %114

A50:%208

E50: %208

S50: %208

Zonaldeak eta zonaldeen arteko jauzien taula ikusteko klik egin.

 

2013/02/12 - MUGI sistema: Lurraldebus txartelen bezeroei bidalitako infomazioa

Txartel Bakarra dutenentzat. Klik hemen.

Errentaren datua kontsultatzeko baimena eman behar dutenentzat. Klik hemen.

Haurrak txartela dutenentzat. Klik hemen.

Txartel kolektiboa eduki eta errenta justifikatu behar ez dutenentzat: 18 urte baino gutxiagoko: G, G20, G50, E, E20, E50 dituztenak eta txartel Soziala dutenentzat: S, S20, S50. Klik hemen.

2013/02/12 - MUGI sistema: Informazio garrantzitsua

Informazioa, klik egin.

2013/01/07 - Eusko Treneko tren lineetan ere ordainketak egiteko Lurraldebuseko Txartel Bakarra erabiliko da.

Gipuzkoako garraio publikoko tarifak bateratzeko helburuarekin, eta proba gisa,   urtarrilaren 8tik aurrera, Lurraldebuseko Txartel Bakarra erabiliko da Lasarte-Oria -Hendaia tren linean eta, urtarrilaren 22tik aurrera, Bilbao-Donostia linean ere bai, Elgoibarreraino. 

Geltokietako edo geralekuetako sarreran eta irteeran pasa behar da txartela makinatik, eta bidaiaren tarifa Eusko Treneko Bono 10ekin ordaindutako tarifa bera izango da.

Probaldi hau martxoaren 4an bukatuko da, Gipuzkoako garraio publikoko tarifak bateratzearekin batera, eta ordura arte tren lineetan ezin izango dira erabili Lurraldebuseko talde berezietako txartelak. 

2012/12/17 - Eguberrietako ordutegiak.

Abenduaren 24an eta 31n garraio zerbitzuak lehenago amaituko dira linea guztietan, ohi bezala.

Abenduaren  25ean eta  urtarrilaren 1ean ere zerbitzuak murriztu egingo dira. Transportes Pesak ez du zerbitzurik emango bi egun horietan.

Ordutegiak ikusteko, deitu enpresen telefonoetara edo klikatu web orriak. Guztiak daude eragileen fitxan, eta hauxe da lotura: http://www.lurraldebus.net/Oper.aspx.

2012/11/09 - Lurraldebus txartelen eskaera, aurrerantzean, postaz eta internetez ere bai.

Azaroaren 15ean hasita, Lurraldebus txartelak postaz eta internet bidez ere eska daitezke. Txartela egin ondoren, eskatzailearen helbidera bidaliko da.

Egun horretatik aurrera, hiru eratan eskatu ahal izango da txartela:

-Prentsa saltokietan, orain arte bezala. Egun batzuk pasa ondoren, bertan jasoko da txartela.

-Posta bidez, eskaera-orria behar bezala bete (web orrian dago deskargatzeko), dokumentazioa erantsi (eskaera-orrian zehazten da zein dokumentu behar dituen txartel mota bakoitzak) eta, ordainketa egin izanaren frogagiriarekin batera, adierazten den posta-kutxatilara bidali dena. Horrela eskatutako txartela eskatzailearen helbidera bidaliko da.

-Internet bidez, web orri honetan sartuta.   Eskatzailearen helbidera bidaliko da txartela.

Argibide gehiago nahi izanez gero, web orrialde honetan, ezkerreko aldean, bilatu "Sarbide erraza"; hor, sakatu "txartel eskaera", aukeratu egiteko modua, eta bete jarraibideak. 

 

2012/10/26 - Lurraldebus txartelak internet bidez kargatu ahalko dira

Datorren azaroaren 5etik aurrera, Lurraldebus txartelak internet bidez kargatzeko aukera izango da, www.lurraldebus.net webgunean. Hala ere, internet bidezko karga egin ostean, erabili aurretik, nahitaez, autobus gidariari edo leihatilako txartel saltzaileari karga balioztatzeko eskatu behar zaio. Eskaera hori Lurraldebuseko autobusetan eta Irungo eta Errenteriako hiri-autobusetan egin ahalko da, ez gainerako hiri-autobusetan (Donostian, Arrasate, Hernani eta Oiartzun).

Informazio gehiago lortzeko sakatu hemen.

2012/10/08 - Ekialdebus enpresak egiten dituen E-25, E-78 eta E-22 lineetan aldaketak.

Urriaren 15etik aurrera  egingo diren aldaketak  hauek dira:

 

- E-25 lineak Irunen ibilbidea luzatuko du, eta Fermin Kalbetongo geltokira iritsiko da (geltoki berria), Larreaundi pasa ondoren.  Eguskitzaldean (ospitale zaharra) parada egingo du.

 

-  E-78 gaueko linea Irunen Colon pasealekutik zuzenean joango da Fermin Kalbetongo geltokira.

 

- E-22 linean Hondarribian 08:35ean ateratzen den zerbitzua 08:25ra aurreratuko da, eta joan-etorri guztiak Kostatik egingo dira.

 

Informazio gehiago Ekialdebus enpresaren telefonoetan (943 641302 y 943 491801)  eta web orrian www.ekialdebus.net

2012/10/03 - KILOMETROAK 2012, Andoainen

Datorren igandean, hilak 7, KMK 2012 izatekoa da Andoainen, eta bertara hurbiltzeko TSST enpresak eta Autobuses Garayar enpresak ohiko zerbitzuez gain beharrezkoak diren autobusak jarrikoko dituzte.

 

Informazio gehiago enpresen telefonoetan  eta  web orrietan.

 

 

2012/09/24 - Irailaren 26rako garraio publikoko gutxieneko zerbitzuak

Sindikatuek irailaren 26rako deitu duten greba orokorra dela eta, Eusko Jaurlaritzak esan du, garraio publikoan, gutxieneko zerbitzuak ohiko zerbitzuen  %30 izango direla. Horiek horrela, Lurraldebus irudiarekin zerbitzua ematen duten operadoreek gutxieneko hori beteko dute, greba eginez gero.

Operadore bakoitzeko ordutegia jakiteko, deitu enpresara edo sartu web orrian.

2012/09/11 - Prezio berriak irailaren 24an hasita

Garraio publikoko BEZaren igoerak eraginda, Gipuzkoako Foru Aldundiak eguneratu egingo ditu bere eskumeneko lineetako prezioak, irailaren 24an hasita.

Prezioen taula berria ikusteko, sakatu hemen.

2012/08/31 - Astigarraga: Irailaren 1eko eguerdiko 13.30etik aurrera, ohiko geraluak egingo dira.

Lanak amaitu ondoren, irailaren 1eko eguerdiko 13.30etik aurrera, A1, A2 eta A70 zerbitzuek bere ohiko ibilbide eta ohiko geralekuak berreskuratuko dituzte.

Barkatu eragozpenak.

2012/08/28 - Soraluzen ibilbidea aldatzea (PESA)

Soraluzen burutuko diren zenbait lan direla eta abuztuak 30, osteguna,  8:00etatik 13:00etara moztuta egongo da.

Bergara-Eibar norabidean geralekuak Carmelo Mendizabal zubian eta Mendiola poligono industrialaren zubian egingo dira.

Eibar-Bergara norantzan zerbitzuak normaltasunez egingo dira.

 

 

2012/08/17 - Soraluzen ibilbidea aldatzea (Euskotren)

Soraluzen burutuko diren zenbait lan direla eta, Ondorengo egunetan moztuta egongo da:

  • Astelehena, abuztuak 20, egun osoa.
  • Osteguna, abuztuak 23, 8:00etatik 13:00etara.
  • Osteguna, abuztuak 30, 8:00etatik 13:00etara

 

 

EIBAR - SORALUZE

Ohiko geralekuak burutuko dira:

  • Sagar Erreka
  • Ezozia
  • Estazioa
  • Errekalde-Olea

 

Geraleku horietan bidaiariak utziko eta hartuko dira Eibartik edo Mendarotik  datozenak edo Eibarrera edo Mendarora doazenak.

 

SORALUZE - EIBAR

 

Mozketak irauten duen bitartean geraleku berriak:

  • Carmelo Mendizabal zubia
  • Mendiolako Industrialdea zubia

 

Informazio gehiago www.euskotren.es

 

2012/08/17 - Eibarren ibilbidearen aldaketa

Astelehenean, 2012ko abuztuaren 20an, Eibarren (Arrate) Espainiako Itzuliko 3. etapa amaituko dela eta,  15:00ak eta 18:00ak bitartean Eibarren trafikoa itxiko da noranzko bietan.

 

Arraten Espainiako 3. etapa bukatuko dela eta datorren astelehenean, abuztuaren 20an, 8:00etatik aurrera, eta erdialdea moztuta egongo denez, autobusen ibilbidea aldatu egingo da.

 

Informazio gehiago www.euskotren.es

2012/08/10 - Oñati - Zerbitzu zirkularreko geraleku berriak abuztuaren 13tik

Abuztuaren 13tik Oñati-Zumarraga-Legazpi-Antzuola-Bergara-Oñati eta Oñati-Bergara-Antzuola-Zumarraga-Legazpi-Oñati zerbitzu zirkularrak, orain arte egiten diren geralekuez gain, bi geraleku berri egingo ditu,

Oñati-Bergara norabidean: Kalegoiena

Oñati-Zumarraga norabidean: Aita Lizarralde.

2012/07/27 - Azpeititik gaueko zerbitzu bereziak Saninaziyuek direla eta

Aurreko urteetan bezala San Inazio jaietan, uztailaren 29, 30, 31n eta abuztuaren 1ean gaueko zerbitzu bereziak egongo dira Azpeititik Azkoitira eta Zumaiara bueltatzeko.


ORDUTEGIA:

 

AZPEITIA- AZKOITIA: 01:00- 02:20- 03:00- 04:20 eta 05:25

AZPEITIA- ZUMAIA: 01:30- 03:30- 04:40 eta 05:45

2012/07/04 - Oñatin, Euskadi etorbideko autobus geltokiak tokiz aldatuko dira

Hil honen 9tik aurrera, Oñati-Arrasate eta Zumarraga-Arrasate lineetako ibilbidea aldatuko da Oñatin, eta, ondorioz, Euskadi etorbideko paradak (Avenida deitzen direnak) bertan behera geldituko dira. Horien ordez Udalak egokitutako tokiak hauek dira: Aita Lizarralde, autobusa Legazpirantz doanean eta Kalegoiena, Arrasaterantz doanean.

 

Barkatu eragozpenak.

2012/06/29 - Lurraldebuseko Txartel Bakarra erabilgarri RENFEko auto-salmentako makinetan.

Uztailaren 1etik aurrera, RENFEko aldiriko trenetarako billeteak Txartel Bakarrarekin eros daitezke geltokietako auto-salmentako makinetan. Leihatiletan, maiatzaren 7az geroztik, ordain daiteke Txartel Bakarrarekin. 

2012/06/25 - Obrak direla eta, Arrasaten, Musakolako geltokia bertan behera gelditzen da.

Uraren Agentziak obrak egin behar ditu Musakola auzoan -San Isidro zubia bota eta berria eraiki-, eta obrak irauten duen bitartean (6 hilabete gutxi gora-behera) ez dira autobusak bertatik pasatuko, horregatik Musakolako geltokia bertan behera gelditzen da.

Informazio gehiago enpresaren telefonoan 902 101210 eta www.pesa.net orrian.

Barkatu eragozpenak.

2012/06/20 - Udako ordutegia Urola-Kosta eta Debabarreneko lineetan.

Datorren astelehenean, hilak 25, Eusko Tren enpresak udako ordutegia jarriko du martxan Urola-Kostako eta Debabarreneko lineetan.

Urola Kostako lineetan udako ordutegia ekainaren 25etik irailaren  2ra arte izango da.

Debabarreneko lineetan bi ordutegi desberdinak egingo dira, bata ekainaren 25etik uztailaren 22ra, eta bestea, uztailaren 23tik irailaren 2ra.

Informazio gehiago hemen (UrolaKostaldeaDebaBarrena) eta Eusko Trenen telefonoan (902 543210) eta web orrian.

2012/06/08 - ZARAUZKO 2012 TRIATLOIA

ZARAUZKO 2012ko TRIATLOIA datorren larunbatean ospatzen dela eta, Eusko Tren eta La Guipuzcoanak egiten dituzten autobus zerbitzuetan aldaketak egongo dira.

 

Informazio gehiago enpresetako telefonoetan eta web orrietan.

 

2012/06/06 - Prezio berriak ekainaren 18tik aurrera

Eusko Jaurlaritzak onartutako %3,2 igoera dela, eta Gipuzkoako Foru Aldundiak eguneratu egingo ditu bere eskumeneko zerbitzuetako prezioak datorren ekainaren 18tik aurrera. 

 

Taula berria ikusteko, sakatu hemen.

2012/06/06 - Lurraldebus txartelak eskuratzeko inprimakia web orrian.

Gaurtik aurrera web orriaren bidez txartelak eskatzeko inprimakia deskargatzea dago. Horretarako, sartu INFORMAZIOA JAITSI azaltzen den tokian. Bertan aukeratuko duzu txartela eskuratzeko eskaera-orria eta erabilera argibideak.  Orriaren atzealdean agertzen da txartel mota bakoitzeko behar den dokumentazioa.

 

Eskaera-orria bete, inprimatu, sinatu eta beharrezkoa den dokumentazioarekin (eskatzen den txartel motaren arabera) entregatu Lurraldebuseko txartelak kudeatzen dituen puntu batean.

2012/06/04 - Lurraldebus txartelak erabilgarri Oiartzungo hiri-barruko autobusetan.

Datorren asteazkenetik aurrera,  hilak 6,  Lurraldebus txartelak onartuak izango dira Oirtzungo hiriko autobusetan, Xorrola zerbitzuan.

2012/05/23 - Maiatzaren 26 eta 27an, Añorga-Txikiko biribilgunetik Errekaldeko biribilgunera arte, errepidea itxita egongo dela eta, linea erregularrak ibilbidea aldatuko dute.

Añorga-Txikiko trenbide pasagunea botatzeko eta oinezkoen pasabidea desmuntatzeko, maiatzaren 26ko goizeko 08:00etan hasita eta maiatzaren 28ko goizeko 05:00ak arte, Añorga-Txikiko biribilgunetik Errekaldeko biribilgunera arte, errepidea itxita egongo da, eta bertatik ez dira ibiliko autobusak. Bidaiariak  hurbiltzeko ohiko lineetara - Eusko Tren, TSST, Garayar, DBUS- autobus berezia egongo da. Autobus zerbitzu horrek 8-10 minutuko maiztasuna izango du eta doan izango da.

- Berezia (DBUS):  Errotaburu-Belartza-Añorga

- Berezia (TSST):Añorga-Errekalde-Lasarte lotura Andoain eta Tolosarako autobusekin.

 Barkatu eragozpenak

 

Informazio gehiago enpresa bakoitzeko web orrietan eta telefonoetan.

2012/05/04 - Zumaia-Donostia linean, gaueko zerbitzuen ordutegiaren aldaketa.

Maiatzaren 12an, larunbata, martxan jarriko da Zumaia-Donostia linean gaueko zerbitzuen ordutegi berria. Zumaiako irteera bat aldatzen da: 02:00etako autobusa ez da ordu horretan irtengo, 03:00etan baizik. Donostiako irteerak ez dira aldatzen. Gogoratu Azkoitia-Zumaia egiten duten autobusek Donostiaraino jarraituko dutela ordu jakin batzuetan, eta alderantziz, Donostiatik Azkoitiraino joango direla beste batzuk, Zumaiatik pasa ondoren.

 

Ikusi hemen ordutegia.

2012/05/04 - Espedizio berri bat Elgoibar-Mendaro ospitalea, igande eta jai-egunetan.

Datorren maiatzaren 13tik aurrera, igande eta jai-egunetan 07:30etan autobusa aterako da Elgoibartik (Urasandi) Mendaroko ospitalerantz.

2012/05/02 - Zumaiatik Donostiako ospitale-gunera doan autobusa, langileen orduetan, lehena izango da Zumaiatik ateratzen.

Datorren 7an hasita, langileentzako orduetan, hau da: 07:00-14:00 eta 21:00etan,   autobusa Zumaiatik puntu-puntuan aterako da. Ordu horietan, Donostiarako beste autobus batzuk ere Zumaiatik irteten dira, baina ospitale gunerakoa aurrena izango da; hori dela eta, pasoko herrietako orduak minutu batzuk aurreratuko dira. Autobus horiek, Donostian lehengo geldialdia Onkologikoaren parean egingo dute.

 

2012/05/02 - Igande eta jai-egunetan 21:00etako Donostia-Eibar-Ermua espedizioak Eibarko Unibertsitatean geldialdia egingo du.

Datorren maiatzaren 6tik aurrera, ikasleen eskaerei erantzunez, igande eta jai-egunetan, Donostiatik Ermura joateko, 21:00etan irteten den autobusak, geldialdia egingo du Eibarko Unibertsitatean.

 

2012/04/27 - Bihar arratsaldean zerbitzu zirkularra eta Arrasate-Oñati-Legazpi-Zumarraga zerbitzuan aldaketak, errepidea itxita egongo delako.

Apirilaren 28an (larunbata) Udanatik auto lasterketa ospatuko dela-eta, arratsaldeko 12:30etatik 20:30etara Oñati eta Legazpi artean errepidea itxita egongo da. Ondorioz, zerbitzu zirkularra eta Arrasate-Oñati-Legazpi-Zumarraga zerbitzuan aldaketak egingo dira. Gainontzeko zerbitzuetan atzerapenak jasan dezakete. 

Ordutegiak ikusteko sartu www.pesa.net

2012/04/16 - Lurraldebus txartelak erabilgarriak Errenteriako hiri autobusetan.

Gaurtik aurrera Lurraldebus txartel mota guztiak Errenteriako hiri barruko garraioan onartuko dira. Hau da: Txartel Bakarra eta talde berezietako txartelak (Haurrak, Gazteak, Adinekoak, Ezinduak eta Soziala).

 

2012/04/02 - Eusko Trenek errepidez egiten dituen zerbitzuetan aldaketak

Apirilaren 16tik aurrera, aldaketak Debabarrenan eta Urola-Kostan.

Debabarreneko herriek (Ermua, Eibar, Elgoibar) aukera izango dute Mendaroko ospitalera joateko, 20 minuturik behin. 60 minutuan behin Ondarroaraino.

Elgetak zerbitzu gehiago izango ditu Eibarrerako.

Kostako herriek (Zumaia, Getaria, Zarautz eta Orio) Donostiako ospitaleetara joateko zerbitzu zuzena izango dute.

Aiako Landabus zerbitzuaren ordez, Lurraldebus ariko da, eta Donostiako ospitaleetara joan- etorriak egiteko lotura Orion egingo da.

Azkoitia-Zumaia artean gaueko zerbitzuak, larunbatetan. Batzuk zuzezenak Donostiaraino. Zumaia eta Donostia artean 60 minutuan behin.

 

Informazio gehiago, 902543210 telefonoan eta www.euskotren.es helbidean.

2012/03/30 - Garagardo azoka Zarautzen. Gaueko zerbitzu bereziak Azkoitiraino

Zarauzko XII. Garagardo azoka dela eta gaueko zerbitzu bereziak egongo dira Zarautz eta Azkoitia bitartean.

Egunak: Apirilaren 4, 5, 6, 7 eta 8. 

Irteerak  Zarauztik: 22:30, 00:15 eta 02:00

Informazio gehiago La Guipuzcoana enpresako telefonoan edo web orrian. 

 

 

2012/03/26 - Martxoaren 29an greba orokorra. Gutxieneko zerbitzuak.

Sindikatuek martxoaren 29rako deitu duten greba orokorra dela eta, Eusko Jaurlaritzak esan du, garraio publikoan, gutxieneko zerbitzuak ohiko zerbitzuen  % 30 izango direla. Horiek horrela, Lurraldebus irudiarekin zerbitzua ematen duten operadoreek gutxieneko hori beteko dute, greba eginez gero.

 

Operadore bakoitzeko ordutegia jakiteko, deitu enpresara edo sartu web orrian

2012/03/20 - Bi orduko lanuztea dela eta, Eusko Treneko lineetan gutxieneko zerbitzuak

Bihar, hilak 21, Eusko Tren enpresako langileen batzordeak bi orduko lanuztera, goizean eta arratsaldean, deitu du. Hori dela eta, Eusko Trenek egiten dituen lineetan gutxieneko zerbitzuak izango dira 09:00etatik 11:00etara  eta 17:00etatik eta 19:00etara.

Informazio gehiago  www.euskotren.es eta 902 543210 telefonoan.

2012/03/15 - Lurraldebuseko talde berezien txartelak Hernaniko hiribusean

Apirilaren 1etik aurrera, Txartel Bakarraz gain, Lurraldebuseko kolektibo berezien txartel hobaridunak: Haurrak, Gazteak, Adinekoak, Ezinduak eta Sozialak, eta baita Familia Ugariak eta familia ugarien eta beste kolektiboen txartelen artean egon daitezkeen konbinazioak ere, erabili  ahal izango dira Hernani hiriko zerbitzuetan.    

 

Akordio hori errazteko, Gipuzkoako Foru Aldundiak bere gain hartzen du Hernaniko   hiriko lineetan erabiltzen diren kolektibo berezien txartelei kargatzean dagozkien hobarien kostu osagarria, baita softwarea eguneratzearen eta sistema ekipamendu guztiaren kostuak ere, bai Lurraldebus guneko sistemei nahiz ekipamenduei dagozkienak, bai Hernaniko autobusetako txartelak kitatzeko/emateko makinei dagozkienak.

 

 

2012/03/15 - Antzuola – Bergara – (ospitalea) Arrasate linea berria

Apirilaren 16an hasita, astelehenetik ostiralera lanegunetan, Antzuolatik Arrasateko ospitalera joateko aukera zuzena egongo da. Zazpi joan-etorri egunean zehar.

 

Geltokiak hauek izango dira: Antzuola (Olaran)-Bergara (Ibargarai; autobus geltokia)-Arrasate (ospitalea eta Garibai). Itzuleran hauek izango dira geltokiak: Arrasate (ospitalea eta Garibai)-Bergara (Ibargarai; autobus geltokia)-Antzuola (Olaran).

 

Ordutegia ikusteko sakatu hemen edo enpresaren web orrian www.pesa.net

2012/02/24 - Garayar enpresako gidariek greba egingo dute larunbat gauetan

Garayar enpresako gidariek grebara deitu dute gaueko zerbitzuetan, otsailaren 25etik apirilaren 28ra arte, biak barne; eta, ondorioz,  larunbat gauetan ez da zerbitzurik izango Urnieta-Hernani-Donostia linea horretan. 

 

Lan gatazka Garayar enpresaren eta bertako langileen artekoa den arren, enpresak garraio publiko zerbitzua eskaintzen duenez eta grebak herritarrak kaltetu ditzakeenez, Gipuzkoako Foru Aldundia enpresarekin zein langileekin harremanetan jarri da. Izan ere Gipuzkoako Foru Aldundiko Mugikortasuneko eta Bide Azpiegituretako Departamentuarentzat garraio zerbitzu publikoa bermatzea garrantzitsua da, eta horregatik, Aldundia prest dago enpresaren eta langileen artean bitartekari lana egiteko, betiere bi aldeek egoki ikusten badute eta lan gatazka konpontzeko baliagarria izan badaiteke.

 

Foru Aldundiak gatazka ahalik eta azkarren konpontzea espero du. Bitartean, barkatu eragozpenak.

2012/02/21 - Hernani – Astigarraga – Martutene - Donostia (A-1) linean lanegunetan, 5 minutu aurreratuko da goizeko lehenengo espedizioa.

Martxoaren 5ean hasita, HASA enpresak egiten duen Hernani - Astigarraga - Martutene- Donostia (A-1) linean, astelehenetik larunbatera, lanegunetan,  lehenengo irteera bost minutu aurreratuko da.  Horrela,  lehenengo espedizioa Hernanin 05:55ean izango da.

 

Ordutegia ikusteko sartu enpresaren web orrian. www.autobusesareizaga.com

2012/02/15 - EKIALDEBUS enpresak egiten dituen lineetan aldaketak egingo dira.

Ia urtebete igaro da  Ekialdebuseko lineak jarri zirenetik, eta, jasotako iritziak eta iradokizunak aztertu ondoren, iritsi da zenbait aldaketa egiteko unea, zerbitzua hobetu eta herritarren beharrei erantzun hobea eman diezaiegun.

 

Zerbitzuaren eskaintza berria martxoaren 1ean jarriko da abian.

 

Informazio zehatza lortzeko sartu EKIALDEBUS enpresaren web orrian.

2012/02/09 - Datorren larunbatean, hilak 11, atzerapenak Autobuses Garayar enpresako G1, G2 eta G3 lineetan, GI 2132 errepidean mantentze-lanak direla eta.

Larunbatean, hilaren 11n, mantentze-lanak, zehatzago esanda kimaketa lanak, direla eta, GI-2132 errepidea itxita egongo da 07:00etatik 19:00etara, Sorgintxulotik Mandazubiko biribilgunera arte. Hori dela eta, G1, G2 eta G3 lineak ibilbidea aldatuko dute Hernanin. Donostiara zein Andoainera joateko, Atsegindegi izango da geltoki bakarra Hernanin.

Barkatu eragozpenak.

 

Informazio gehiago nahi izanez gero, sakatu hemen edo jarri harremanetan enpresarekin.

2012/02/07 - Lau orduko lanuztea dela eta, Eusko Treneko lineetan gutxieneko zerbitzuak

Hilaren 9an, Eusko Tren enpresako langileen batzordeak lau orduko lanuztera, goizean eta arratsaldean, deitu du. Hori dela eta, Eusko Trenek egiten dituen lineetan gutxieneko zerbitzuak izango dira 06:30etik 10:30era eta 17:30etik eta 21:30era.

Ordutegiak ikusteko sakatu hemen edo sartu Eusko Treneko web orrian, http://www.euskotren.es/

2012/02/02 - Atzerapenak zerbitzuetan

Elurrak eta izotzak garrio publikoan eragiten ari da eta atzerapenak eta etenak gertatzen ari dira. Informazio zehatza enpresetara deituta.

Barkatu eragozpenak

2012/01/25 - Dbus-eko zerbitzuetan Lurraldebusen txartel guztiak onartuko dira, Haurrak txartela izan ezik, eta Dbusen txartelen abantailekin.

Datorren otsailaren 15etik aurrera, Lurraldebuseko txartelak erabili ahal izango dira, Haurrak txartela izan ezik, Donostiako Tranbia Konpainiak (Dbus) eskaintzen dituen zerbitzuetan, Dbus-eko txartelen baldintza beretan. Azken txartel horiek ez dira gehiago egingo egun horretatik aurrera, txartel sozialak eta hileko bonoak izan ezik. 

Informazio gehiago nahi izanez gero,  sakatu hemen

 

2012/01/18 - Urtarrilaren 20an, Donostian, erdialdeko zati handi batean autobusen ibilbidea aldatuko da

Donostian, urtarrilaren 20an, San Sebastian egunean Haur Danborrada dela eta, hiriaren erdialdean zirkulazioa moztuko da, eta, ondorioz, garraio publikoko lineen ibilbideak eta geltokiak aldatuko dira.

Informazio gehiago www.donostia.org eta garraio publikoko enpresen telefono eta web orrian.

2012/01/16 - Gaueko zerbitzuak, San Sebastian bezperan

Datorren urtarrilaren 20an, San Sebastian eguna ospatzen dela eta, Donostian eta baita Azpeitian ere, Lurraldebuseko enpresek gaueko zerbitzua eskainiko dute ostegunetik ostiralera bitarteko gauean.

 

Informazio gehiago lortzeko, sakatu hemen edo erabili enpresen web orriak.

2012/01/09 - Autobuses La Guipuzcoana enpresak ordutegia aldatuko du

Hilaren 16an Autobuses La Guipuzcoana enpresak ordutegi berria jarriko du martxan Azkoitia - Donostia, Azkoitia - Zarautz eta Azkoitia - Tolosa  lineetan.


Ordutegiak ikusteko sakatu hemen.

2012/01/09 - Transportes Pesa SA enpresaren leihatila itxita

2012ko urtarrilaren 14ko 21:00etan hasi eta urtarrilaren 15eko 13:00ak bitartean, ez da txartelik salduko Transportes Pesa SA enpresaren leihatiletan, Lurraldebuseko sistemetan mantentze lanak eta hobekuntza tekniko batzuk egingo baitira. Zehazki, Donostiako leihatila igandean egongo da itxita (08:00 - 13:00), eta Bilbokoa larunbatean (21:00 - 22:00) eta igandean (08:45 - 13:00). Ordu tarte horietan, txartelak autobusetan bertan salduko dira. Gorabehera horrek, ordea, ez du eraginik izango zerbitzuetan.

 

Barkatu eragozpenak.

2011/12/14 - Bi orduko lanuztea dela eta, Eusko Treneko lineetan gutxieneko zerbitzuak

Bihar, hilak 15, Eusko Tren enpresako langileen batzordeak bi orduko lanuztera, goizean eta arratsaldean, deitu du. Hori dela eta, Eusko Trenek egiten dituen lineetan gutxieneko zerbitzuak izango dira 09:00etatik 11:00etara eta 17:00etatik eta 19:00etara.

Ordutegiak ikusteko sakatu hemen.

2011/12/12 - Aretxabaletan "urbanoaren" ibilbidea eta geltokiak aldatzen dira

Urtarrilaren 2an, Udalak eskatuta, bi noranzkoetan aldatuko dira Eibar-Eskoriatza linearen ("urbanoa") ibilbidea eta geltokiak Aretxabaletan.

Hemendik aurrera, hauek izango dira:

 

Eskoriatza-Arrasate noranzkoan

  • Ibilbidea: Araba ibilbidea - Nafarroa - Txarapea - Lausitta - Murubide - Otalora kalea.
  • Geltokiak: Araba ibilbidea 31, Nafarroa kalea (Belorrietako birilgunearen aurretik), Lausitta kalea 12-14.

Arrasate-Eskoriatza noranzkoan

  • Ibilbidea: Otalora - Errekabarren - Belorrieta, Deba ibaiaren albotik - Belorrietako biribilgunetik - Araba ibilbidera.
  • Geltokiak: Otalora 27 (Kuartela), Errekabarren 8 (osasun zentroa), Araba ibilbidea 32.

Ibilbide luzeko zerbitzuek, orain arte bezala, AZBEn izango dute geltoki bakarra, hau da, Gasteizera eta Donostiara doazen autobusek eta Gasteiztik eta Donostiatik datozenek.

2011/12/05 - Abenduaren 6an eta 7an, Elgetatik Bergarara doan errepidea itxita Uberan

Abenduaren 6an eta 7an, Elgetatik Bergarara doan errepidea itxita egongo da 08:00etatik 18:00etara, Ubera auzoan, asfaltatze lanak egin behar direla-eta. Horregatik, errepidea itxita dagoen orduetan autobusek ibilbidea Kanpanzarretik egingo dute, eta Elgetan geltokia Elorriorako rotondan egingo da.

Zerbitzuak hauek izango dira:

Abenduaren 6an

BILBAO - ELGETA - TOLOSA - DONOSTIA 09.00
DONOSTIA - TOLOSA - ELGETA - BILBAO 09.30 eta (19:00)
ZUMARRAGA - ELGETA - BILBAO 17.15

 

 

 

.

 

Abenduaren 7an, ez dira egingo: 13:45 Bergara - Elgeta eta 14:05 Elgeta - Bergara zerbitzuak.

Egingo direnak hauek dira:

ELGETA - BERGARA 07.40
BERGARA - ELGETA 14:30
BILBAO - ELGETA - TOLOSA - DONOSTIA 08.30 eta 16.30
DONOSTIA - TOLOSA - ELGETA - BILBAO 07.00 eta 16:30

 

 

 

 

 

2011/11/07 - TSSTren hasierako eta bukaerako Donostiako geltokiaren aldaketa

Azaroaren 7tik aurrera, TSST enpresak bere zerbitzuen hasiera eta bukaerako Donostiako geltokia tokiz aldatuko du. Donostiako Udalaren aginduz geltokia Gipuzkoa plazatik Askatasunaren hiribideko 28 zenbakira aldatuko da. Hori dela eta, Eusko Tren eta La Guipuzcoana enpresak Askatasun hiribidearen 24an egingo dute parada. Barkatu eragozpenak.

2011/11/03 - Azpeitia-Errezil-Azpeitia taxibusaren joan-etorri berria

Azaroaren 7an hasita, Errezilek eskola-egunetan taxi-bus zerbitzu berria izango du. Hau da: Azpeitian 07:00etan eta Errezilen 07:15ean aterako dena.

 

Paradak

ERREZILen: Plaza, Intsausti, Loidi, Bentaberri,  Irurena.
AZPEITIAn:, Landeta hiribidea,14, Anbulatorioa.

 

Ordutegia

Astelehenetik ostiralera, eskola-egunetan

Irteera Azpeitian (Anbulatorioan): 07:00, 10:30, 19:00

Irteera Errezilen (Plaza) : 07:15, 10:50, 19:20

 

Astearteetan, Azoka eguna. Zerbitzu berezia

Irteera Azpeitian (Anbulatorioan): 09:00

Irteera Errezilen (Plaza): 09:20

 

Lanegunetan (eskolarik ez dagoen egunetan), larunbatetan eta jai egunetan

Irteera Azpeitian (Anbulatorioan):   10:30, 19:00

Irteera Errezilen (Plaza) :   10:50, 19:20

2011/10/21 - Aizarnazabal-Zumaia-Aizarnazabal taxibusaren ordu aldaketa

Hilaren 24tik aurrera, bertan behera geldituko dira orain arteko irteera orduak. Lehengoen ordez, hauek izango dira taxibusa abiatzeko orduak:

 

Astelehenetan eta astearteetan, lanegunetan

Aizarnazabaletik (Herriko plaza): 07:55, 14:55, 17:00, 19:30
Zumaiatik (Geltokian): 08:15, 15:15, 17:20, 19:50

 

Asteazkenetan, ostegunetan eta ostiraletan, lanegunetan

Aizarnazabaletik (Herriko plaza): 07:55, 14:00, 17:00, 19:30
Zumaiatik(geltokian): 08:15, 14:20, 17:20, 19:50


Larunbatetan eta udako lanegunetan

Aizarnazabaletik (Herriko plaza): 09:30, 17:00
Zumaiatik (Geltokian): 09:50, 17:20

2011/10/21 - Hernani-Astigarraga-Donostia linean gaueko zerbitzuen ordutegi berria

HASA enpresak  Hernani-Astigarraga-Donostia linean gaueko zerbitzuen ordutegia aldatuko du azaroaren 5ean hasita. Horrela, Donostiatik Hernanira 30 minuturoko maiztasuna egongo da, Garayar enpresak ematen duen zerbitzua kontuan hartuta.

Irteera Hernanitik:   23:30-00:30-01:30-02:30-03-30-04:30-05:30

Irteera Donostiatik: 00:00-01:00-02:00-03:00-04:00-05:00-06:00

Ordutegia ikusteko sakatu hemen.

2011/10/19 - Linea eta ordutegi berriak, azaroaren 1ean hasita, Transportes PESAk ematen dituen zerbitzu batzuetan


DEBAGOIENetik LOIUKO AIREPORTURA ZERBITZU BERRIA

Azaroaren 1ean hasita, Debagoieneko biztanleek Loiuko aireportura autobusez joateko aukera izango dute: Arrasate- Bergara- Eibar- Loiuko aireportua linea abian jarriko da . 

Aireporturako billeteak autobusean eta bidai agentzietan salduko dira. Autobusean, ordainketa eskudiruz bakarrik onartuko da; hau da, autobusean aireporturako billeteak ordaintzeko ezin izango dira erabili Lurraldebus txartelak.

Ordutegia eta tarifak ikusteko sakatu hemen.


DONOSTIA-LOIUko AIREPORTUA

Donostiatik ateratzen den zerbitzuak Zarautzen geldialdia egingo du, baldin eta erabiltzailerik bada, Zarautz-Eibar-Loiu zerbitzua bertan behera utziko baita azaroaren 1etik aurrera.

Zarauztik Loiura joan nahi duenak aurretik billetea erosi beharko du bidai agentziaren batean; horrela, autobusa Donostiatik atera baino lehen jakingo da Zarautzen billeterik saldu den eta zenbat saldu diren. Erabiltzailerik izanez gero, autobusa Zarautzen sartuko da, suhiltzaileen errotondaraino, egun eta ordu horretarako billetea duen pertsona jasotzera. Bestela, zuzenean Loiura abiatuko da.

Loiutik Zarautzera itzultzeko billetea autobusean bertan ere salduko da, baina ordaintzeko ezin izango dira Lurraldebus txartelak erabili, eskudiruz ordaindu beharko da.

Ordutegia eta tarifak ikusteko sakatu hemen.

 
EIBA-BERGARA-ARRASATE-GASTEIZ linean joan-etorri gehiago

Azaroaren 1etik aurrera, astelehenetik ostiralera, lanegunetan, bi espedizio gehiago egingo dira  AP-1etik  Gasteizera eta Gasteiztik.

 

Gasteizera:    

  Eibar     Bergara   Arrasate   Gasteiz
  06:30  06:50    07:05  07:45
    07:35  07:50  08:30
 
 
 
 

 

Gazteiztik:

  Gasteiz                  Eskoriatza    Aretxabaleta     Arrasate     Bergara     Eibar
  06:15 06:50 06:55 07:05 07:20  
  07:15 aurreratua     07:50 08:05 08:20
  07:45 08:20 08:25 08:35    


Ordutegia osorik ikusteko sakatu hemen.


EIBAR-ARRASATE eta OÑATI-ARRASATE-ESKORIATZA-LEINTZ lineetan, gaueko zerbitzuak berrantolatu dira

Arrasate, Aretxabaleta, eta Eskoriatza artean  joan-etorri gehiago egingo dira, eta Leintz-Gatzagak ere joan-etorri gehiago izango ditu. Azaroaren 5ean  jarriko dira abian.

Ordutegia ikusteko sakatu hemen.

2011/06/24 - Uztailaren 1etik aurrerako prezioak

Eusko Jaurlaritzak onartutako % 1,8 igoera dela eta Gipuzkoako Foru Aldundiak eguneratu egingo ditu bere eskumeneko zerbitzuetako prezioak datorren uztailaren 1etik aurrera.

Prezio berriak ikusteko sakatu hemen.

2011/05/18 - Kutxaren 153 kutxazain Lurraldebus txartela kargatzeko sarera batzen dira

Maiatzaren 18tik aurrera Kutxa sareko 124 sukurtsaletako 153 kutxazainetan karga daiteke Lurraldebuseko txartelak, kolektiboak eta turistak barne. Ordainketa, banku txartelaren bidez egingo da (kreditoduna edo zorduna) eta banku txartela Kutxarena ez bada 0,5 eurotako komisioa izango du.

Sukurtsalen zerrenda osoa pdf formatuan deskargatzeko sakatu  hemen.

2011/05/12 - Gasteiz abiapuntu duten lineetan autobusez aldatzea

Lurraldebus txartelen jabeek autobus aldaketa egin nahi badute Gasteiz abiapuntu izanik, bidaia autobusean bertan ordaindu behar dute, leihatilatik igaro gabe, txartela kitatuz autobusera igotzean eta handik jaistean.

2011/03/31 - Zarautz-Eibar-Loiuko aireportura linea berria

Apirilaren 1etik aurrera Pesaren linea berria izango da Zarautz-Eibar eta Loiuko aireportuaren artean. Ordainketa eskudirutan egin behar da eta ezin da Zarautz-Eibar-Zarautz ibilbidea egiteko erabili.

Informazio gehiago, sakatu hemen.

2011/03/31 - A-2 linea berriak Hernani eta Donostia, Urumeako autobian barrena lotuko ditu

Apirilaren 1etik aurrera, linea berri batek Urumeako autobian barrena lotuko ditu Hernani eta Astigarraga Donostiarekin. Lurraldebuseko zerbitzu berria Areizagak kudeatuko du, eta bidaia hamabost minutu azkarrago egingo du orain arte baino, A-1ek 40 minutu ematen baititu eta A-2k, berriz, 25 minutu. Zerbitzu berriak ez du oraingoa ordeztuko, A-1 linea oraingo bidetik joaten jarraituko baitu, orain egiten dituen geldialdiekin.

Urumeako autobian barrena doan A-2 linea abian jarrita, eta ohiko bidetik doan A-1 lineari eutsita, Hernanik eta Astigarragak 65 bidaia izango dituzte bi noranzkoetan astelehenetik larunbatera (15 minutuan behin) eta 60 igande eta jaiegunetan. Gaueko zerbitzuek ere lanean jarraituko dute urteko larunbat guztietan eta uda aldiko eta sagardotegi garaiko ostiraletan (A-1).

Ordutegi eta ibildeei buruzko informazio gehiago lortzeko, sakatu hemen.

2011/03/29 - “Taldean goaz-Muévete en equipo” kanpainaren aurkezpena

Gipuzkoako Foru Aldundiak kirol lehiaketetan parte hartzeko garraioa publikoa erabiltzeko, “Taldean goaz-Muévete en equipo” kanpaina aurkezten du. Asteburuetan Gipuzkoan zehar kirol ekimen hauetan 8 eta 18 urte bitarteko milaka gaztek hartzen dute parte.

Informazio gehiago, sakatu hemen.

2011/03/24 - Lurraldebuseko txartel bakarra taxia ordaintzeko

Martxoak 21, abian da, esperientzia aitzindari moduan, taxi batean egindako bidaiaren tarifa Lurraldebuseko Txartel Bakarraren bidez ordaintzeko modua.

Lehen fase honetan irrati bakarreko 16 taxi direla Buruntzaldean (Andoain, Hernani, Lasarte-Oria, Urnieta, Astigarraga eta Usurbil), txartela onartzen dutenak ordainketa modu bezala. Horretarako, ibilgailuetan, betiere esperientzian parte hartzea onartu duten horietan, txartela irakurtzeko aparailuak jarri dira, hartara tarifa ordaintzeko.

Horrela, bidaiariak taxiaren zerbitzua Txartel Bakarra eta turista txartelarekin ordaindu ahal izango du, eta karreraren zenbatekoa bertatik kenduko zaio taximetroari lotuta dagoen irakurgailutik txartela pasatuta. Txartelean nahikoa saldorik ez badago, taximetroak falta den zenbatekoa markatuko du, eta erabiltzaileak diruz ordaindu beharko du orduantxe. Talde berezien txartelek ez dute balio ordainketa modu honetarako.

Hurrengo etapa batean, eta ordainketa modu berri honek lortzen duen onarpena ikusita, helburua da taxi guztietan jartzea pixkanaka.

Ordainketa metodo berriak Lurraldebuseko txartelari balioa ematen dio garraiobide arteko elementu den aldetik, eta taxiak mugikortasuneko eta garraioko beste baliabideen pare jartzen du, hiri arteko eta hiriko autobusen pare. Horrela, herritarrak Lurraldeko garraiobideak erabili ahal izango dituzte ordainketa modu bakarrarekin.

2011/03/17 - Lurraldebusen autobusez aldatzea, doan

Martxoaren azkeneko hamabostaldian martxan jarriko da progresiboki Lurraldebuseko emakidadunen arteko doako autobus aldaketa. Emakidadun desberdinen autobusetan bidaiatzen denean, erabiltzaileak ez ditu bi bidaiak ordaindu beharko,  betiere autobus batetik jaitsi eta bestera igotzeko denbora tarte jakin bat ematen badu eta Lurraldebuseko txartelarekin ordaintzen baditu bi bidaiak.

Aldaketen politika berria mesedegarriagoa da erabiltzaileentzat, Lurraldebuseko bi konpainia desberdinen arteko aldaketa egitean aplikatuko baita, betiere zerbitzua txartel bakarrarekin ordaintzen bada, eta talde berezien txartelentzat eta turisten txartelentzat ere balioko du.

Aldaketak bi linea desberdinen artekoa izan behar du, operadorea gorabehera, eta bidaiarik garestiena kobratuko da. Bestea doakoa izango da eta biak kontuan izango dira deskontua lortzeko. Aldaketa doakoa izateko 45 minutuko tartean egin beharko da, lehen autobusean jaisteko txartela pasatu eta bigarrenean igotzeko txartela pasatu artean.

Erabiltzaileak bi autobusetan pasatu beharko du txartela igotzean eta jaistean, eta ticketing sistemaren bidez automatikoki aldaketaren onurak aplikatuko dira

Bidaia luzeko ibilbideetan, PESAk hiriburu artean egiten duen horietan txartela txarteldegian edo gidariari zuzenean erosita, ez da aldaketaren onurarik izango. Kanpo geratzen dira, orobat, hiri barruko garraioko operadoreak.

2010/11/23 - Lurraldebusen Informazioko zerbitzuaren zenbaki motzaren aldaketa: zenbaki berria 215000

SMS mezu motzen arautegia dela medio, 2010eko azaroak 20tik aurrera, helduerako estimatutako denboren informazioko zenbaki motza aldatzen da, 5870 zenbakitik 215000 zenbakira. Mugikorren operadorak 215000 zenbaki berria aktibatzen joango dira bere erabateko baterabiltzea arte 2010eko abenduko lehenengoko egunetan. Hori dela eta aurretiazko barkamena ezkatzen dizuegu aldaketaren tarteko epeetan suertatu daitezkeen eragozpenengatik.